SUN微博：就係敢爆：新班子點可以唔預埋你？

候任特首梁振英話要「強政勵治」，所以麾下零舍多猛將強人。先唔好計未正式上任嘅新ＣＳ林鄭，淨係呢排喺立法會舌戰各議員不落下風嘅羅太，都已經係一員猛將啦。睇番梁福元喺拆僭風波入面嘅表現，不卑不亢，滿腹經論大「道理」，講完都唔知佢講緊咩，就算村民潑屎淋尿，喺佢口中都仲可以喺「好克制」。以佢嘅辯才同厚面皮，如果ＣＹ搵佢幫手，一定可以幫政府強政勵治，一桶屎水淋落啲拉布議員度，咁就爽歪歪了。

集體回憶大＿晒？

其實荔枝山莊真係唔少香港人嘅集體回憶，要拆走僭建部分又真係有啲唔捨得嘅。不過咁，始終你僭建就係犯法，總無可能因為唔捨得就當無事發生啩？咁個個都話啲僭建物對佢哋好有意義唔肯拆，咁仲成世界？

網民鬧爆禮義廉

嗱，條標題可能有小小誤導，其實唔係鬧緊某政黨，係話緊呢班土豪鄉紳至真。佢哋畀人踢爆僭建之後仲要厚顏無恥，口口聲聲又話咩新界傳統，又話尊重原居民又剩。做錯嘢仲可以大聲夾惡，唔通就係新界原居民嘅傳統？

就係敢爆：關於敏感詞，你還敏感嗎？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot