政壇：政商定格：陸東夢想屋鍾情飛鵝山
飛鵝山屬於西貢豪宅區，住得呢處非富則貴，呢區住客最為人熟悉嘅係大美人林青霞同埋夫婿邢李。有散戶股神稱號嘅瑞銀外部顧問陸東都係住呢區，記者尋日見到屋宇署最新資料，飛鵝山道十八號飛鵝山莊其中一幢洋房，獲准建一幢兩層高嘅洋房，另設一條有蓋行人路同簷篷，總樓面約四千六百九十七方呎，申請人為Beautisun Development Limited，公司董事一欄，就係陸東。
尋日搵陸東想問吓佢間Dream house諗住點起，但搵唔到佢。最近佢喺一篇訪問中提出，做研究要好熟個市場，佢話：「我住飛鵝山每日坐車去土瓜灣做好多研究……」，咁即係話，佢依家都係住喺飛鵝山，佢向屋宇署申請重建兩層高洋房，究竟第日係自住抑或部署善價而沽呢？
陸東投資眼光獨到，除股市外樓市亦相當有心得。