政壇：政商定格：三太入主東華怕賭王呷醋
賭王何鴻燊三太陳婉珍尋日單拖出席東華三院活動，問到囡囡點解唔陪佢出席？佢笑住話：「唔係個個活動都出！」佢又坦言已為下屆做主席做好準備，到時會較少時間陪伴家人。咁擔唔擔心賭王投訴兼呷醋呀？佢話自己雖然都有少少驚，但佢會想辦法喎！
問到父親節點慶祝？佢話到時會出街食飯，雖然唔會下廚，但就大讚三個仔女都廚藝了得，佢謙虛咁話：「遺傳我？我只係鍾意烹調啫。」之後佢又透露超蓮今年大學畢業後會留喺英國做兩年嘢再報讀碩士課程，笑言超蓮學業唔錯，至於猷啟因喺美國讀書，仲有一年先畢業。
另邊廂嘅何超蕸話父親節冇乜特別節目慶祝，只係食飯咁啦，但就會一齊夾錢送禮物。
三太陳婉珍已為下屆做東華三院主席做好準備。
何超蕸（左）同東華三院主席陳文綺慧難得聚頭。