政壇：搞搞政：修訂競爭法葉劉屈方剛？

預計《競爭條例草案》好快可以恢復二讀。新民黨立法會議員葉劉淑儀一向都話反對立法，仲提出修訂刁難政府通過草案。葉劉話商界議員黃宜弘同富貴黨議員方剛都支持佢。我哋問過方剛，點知佢話冇講過會支持葉劉嘅修訂，仲話：「我哋中小企唔支持立法，佢（葉劉）畀咗份copy（有關修訂的副本）我，我冇話支持佢。」究竟係葉劉為拉票屈方剛支持，定係溝通上有誤會呢？

葉劉提出嘅修訂，包括要求政府先規管所有法定團體，再按個別情況作豁免；同埋法例要喺競委會訂立指引後先生效，兩者都同政府立場相違背。我哋知道富貴黨傾向支持政府，方剛就話之前葉劉問過佢對立法嘅立場，佢當時表明唔支持立法，但係咪支持葉劉修訂就要再睇吓先。方剛又話因為自己代表中小企，所以已得到黨嘅豁免投反對票。我哋亦打過電話畀黃宜弘，但佢冇回覆。