政壇：沈運龍六千萬打造綠洲

香港各界商會聯席會議秘書長Aaron沈運龍係做珠寶生意嘅，尋日佢間古珀行珠寶位於紅磡鶴園東街嘅新總部落成啟用，樓面有一萬五千呎咁大，除咗展示室及辦公室之外，仲有三千呎綠意盎然嘅花園露台。

眾賓客對主人家以近六千萬元打造呢片廠區綠洲讚嘆不已。Aaron好鍾意大自然，佢話喺舊公司養咗幾隻白兔仔同烏龜，仲有雀仔飛嚟喺樹上築巢，但呢班動物遲啲至入伙。記者見露台擺放一張形似半開雀籠嘅特色椅，原來係西班牙大師級傑作，同現場氣氛襯到絕。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

沈太Alice坐喺西班牙大師設計嘅雀籠椅上，站立者為沈運龍。