SUN熱辣：覷準內地保安漏洞
港產扒手過關到內地，向自己人埋手，聽起來匪夷所思。不過，熟悉犯罪心理學的學者指出，這批竊賊是機會主義者，相信北上港人財力足，而且內地保安漏洞多，絕對是「扒得精明」。
熟悉犯罪學的香港大學社會科學學院副院長崔永康指出，偷竊案的罪犯相對傷人案罪犯會較理性，犯案前會留意地點是否有足夠保安監察、目標人物的財力、犯罪失敗的罪行承擔等，而在內地向港人埋手，正合乎以上三項條件。
「通常港人去內地，一係去玩、購物，一係就係工作崗位唔錯嘅北上公幹人士，兩者都會帶唔少現金喺身。另外，內地唔似香港咁，周圍都有閉路電視，犯事未必留有視像證據，而內地嘅偷竊刑罰亦與香港不同。」因此，他認為，專在內地犯案的港人，都是機會主義者，達到低風險高回報的目的。
避開可疑人士
李小姐（銷售員）：每次返大陸都特別小心，除咗將貴重物件留喺香港，手袋放喺前面，仲不時環顧四周，保障自己安全。
涂先生（銷售員）：防人之心不可無，見到有可疑人士盡量避開；如果發現佢繼續跟住嘅話，就要提高警覺。