SUN微博：打橫嚟講：帶祖宗十八代返工

候任特首辦主管羅范椒芬講解未來特首新班子的人才招攬條件，說除理念和能力外，還提出「情緒智商」（即「EQ」）也十分重要，即講定想入局做人民的公僕，要有被人「問候」的心理準備。佢如此說，令我想起一段真人真事：

七十年代的邵氏電影公司導演張徹，是香港首個「百萬大導」，因為佢能替公司賺大錢，所以，電影公司對他特別優待，要乜有乜，而張大導是個火猛硬漢子，愛罵人，亦由於他罵得愈狠，創意愈盛，所拍的剛烈打鬥功夫片就愈賣座；票房愈高，佢嘅壓力愈大，情緒便愈高漲，那便愈要插爆人。電影公司老闆，是個精明超級大亨，意識到，若張大導再鬧落去，佢身邊的「亞洲影帝」、「百萬小生」如果當眾受辱，肯定遲早出事，於是，老闆略施小計，便化險為夷；原來，老闆出多少少錢（真的好少），多畀少少「額外津貼」，給張大導那組戲的場務員，貼身站在導演左右，任佢問候，不得笑、也不許愁，只須木口木面便是！

那位場務員，叫做「耶蘇」，不管張徹左一句「操你媽的」，右一句「幹你娘」，他都若無其事的「全盤接受」，好多人都很佩服耶蘇的EQ，怎麼能每日都帶埋阿媽同祖宗十八代來開工o架？耶蘇解說，一來我窮，二來，佢鬧，我阿媽又聽唔到嘅！三、佢用力鬧我，我唔使用力有錢收，呢份工邊度搵？四、佢鬧完拍多啲好戲，對觀眾大家都好，咁有乜所謂吖？

唔知有志當官的老友，有無得着呢？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：荔枝山莊拆僭「欺人太甚」？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot