SUN微博：Sun畸事：香港第一蠢官

勾魂龍案宣判在即，一眾貪官奸商戰戰兢兢，各自籌謀如何保身。北上哀求放生者有之，以死相逼者亦有之。夜幕低垂，烏雲蔽月，貪曾翻牆越欄，潛入形似使館的宅第之內……

官員：站住！來者何人！

貪曾：本人乃係香港第一貪官，嚟尋求政治庇護。

官員：點解你嘅身手會咁好？

貪曾：我未做特首之前係黑道中人，出生入死，身手梗係有番咁上下啦。

官員：點解我哋要保護你先？

貪曾：我啲真朋友都畀人捉晒，萬一佢哋供我出嚟，我咪仆街？所以我決定先下手為強，爆佢哋大鑊！

貪曾見機不可失，遂向官員大爆特爆，揭曉貪污集團的內情。官員聽畢，只微微一笑。

貪曾：我依家咩都爆晒出嚟啦，你哋係咪會保護我？

官員：要你特登走入嚟西環中聯辦爆料，真係唔該晒！

貪曾：吓？！中聯辦？

官員：大使館都搵錯，貪官之中你都算蠢啦！

貪曾：＠％＃＆％（＊＄＆＃＃％＆＊︿（

（花生友如有對號入座，請食自己）