名媛趙曾學韞女兒趙汝泟嘅囝囝前晚舉行百日宴，趙太同老公趙善簪喺夜晚七點半到場，佢透露送咗象徵平安吉祥嘅玉器畀外孫，而外孫嘅名就交由爺爺嫲嫲改，作為婆婆嘅佢笑言唔會參與，皆因親家好有文化修養，外孫嘅嫲嫲又係大學教授。佢又話由於工作太忙，成日四圍飛，所以好少幫手湊孫。依家總共有十個孫嘅佢坦言，小朋友係上天嘅恩賜，愈多愈好。
趙太依家同兒子、媳婦、五個孫仔一齊住，佢笑言若孫仔外出度假，屋企變得太安靜，佢反而唔習慣，若然時間許可，佢都會同孫仔一齊去旅行喎。
趙曾學韞（右）同老公趙善簪（左）出席外孫嘅百日宴。
