政壇：吳嘉汶為自己設計婚戒
政商界名人喺龍年嘅嫁娶喜慶特別多，好似香港青聯賢慧社副秘書長兼Bee's Diamonds第三代後人Rendy吳嘉汶，亦將喺九月披嫁衣裳，同初戀醫生男友Alan結束十年愛情長跑。
Rendy現為Bee's Diamonds企業市場總監，自細喺鑽石世家培育下，品味自成一格，對於陳舊嘅古董美態更加着迷。雖然男友學醫，但為咗親近女友，特登修讀GIA鑽石鑑證短期課程，佢哋最近更聯手為公司設計「Alren」古董系列鑽飾，款式名稱取自兩人英文名，作為結婚嘅紀念。至於定情婚戒，Rendy亦不假手於人，自行設計兼選用至愛嘅藍寶石鑲製，絕對獨一無二。
吳嘉汶自己設計婚戒，絕對獨一無二。