SUN微博：打橫嚟講：文化局，未起錨先超錯

老友們，先問你哋一個幼稚的問題，就係：文化局局長大吖？定係一個美術館館長大？

嗟！阿媽係女人啫！當然是文化局長大啦！

咪係囉！但係，當香港西九嘅阿頭，係要由來自紐約GUGGENHEIM博物館，或西班牙畢爾包美術館，又或NEW YORK大都會美術博物館的高層時，睇番香港新增嘅文化局長大熱門人選，佢話自己經常參與文化活動，原來最多最鍾意係去上環文娛中心睇話劇喎！勁呀！咁都未夠文化o架！佢仲有好多文化活動的，就是得閒去唱K囉！好有文化耶！

香港設立文化局，很多常受政府資助的「所謂文化人」，十分舉腳支持，原因，係佢哋受盡撥款或審批表演場地的民政局及康文署的氣，好想有個「文化局」去打救他們，唉！當一個地方只要求文化局，積極梳理如何分配利益、派餅仔畀啲窮困「藝術家」時，呢度仲何來文化可言呢？

一地的文化政策和發展，怎會係一個喺街邊睇人寫揮春、玩雜耍就當寶嘅盲毛能主理的呢？仲有，一個更關鍵的，就是「文化」涉及意識形態、「創作」關乎自由、「藝術」與「政治」是分不開的，咁嘅基礎死症下，叫「一國兩制」的香港，如何能安然成立一個有承擔加有遠景的文化局呢？

大陸官腔一直強調香港要謹記是「一國」先行的「兩制」下的特區，講文化，唱唱《大海航行靠舵手》吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：荔枝山莊拆僭「欺人太甚」？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot