SUN世代：耐性融化高竇野貓
大部分主人會選擇精乖伶俐、逗人喜愛的寵物。但Vicki第一隻養的卻是滿身污垢的貓，「當時喺英國讀緊大學，有個同學話佢有親戚移民，有隻餵開嘅野貓，問我有冇興趣養，我諗都無諗就應承咗。」
把野貓領回家中，Vicki卻發現牠根本不愛與人接觸，對她不瞅不睬，甚至用爪抓她，「惟有多啲同佢玩，等佢知道你有幾錫佢！」貓心肉造，Vicki的耐性終感動貓兒，兩者關係愈來愈親密。她有時忙至通宵達旦，貓兒亦會乖乖安坐在旁，鼓勵她繼續努力。「佢細個嗰陣生活環境差，依家身體退化得好快，我希望喺佢餘下嘅日子可以好好陪佢。」直至現在，她們依然是對方最忠誠的夥伴，誰也不撇下誰。
有感於大部分寵物用品都「得個樣」，Vicki特地設計出對寵物有用的產品。