政壇：政商定格：葉振南激光護膚靚仔晒
做生意梗係要省靚個樣見人，好似藍帶啤酒亞洲區總代理Stephen葉振南都唔例外。出名為食嘅佢，高峰期體重二百磅，行樓梯都氣喘。佢把心一橫跑步減肥，眨吓眼減走幾十磅，睇落後生晒，拍埋二十來歲嘅阿仔葉家麟身邊，經常被人誤會係兩兄弟。
講到回春，Stephen承認貪靚，定期打激光，增加皮膚彈性。難怪面上連黑頭、暗瘡都無粒，正過唔少後生仔。但講到明星至愛嘅去皺針，佢就話未使住。再講，細佬葉振國開醫學美容中心，佢近水樓台，做facial通通唔使錢。
呢位潮爸，子女已成長，次女今年暑期喺英國大學畢業，帶四方帽嘞，舉家將會飛英國祝賀，然後直踩佛羅倫斯、米蘭shopping。囡囡畢業成績優異，仲獲名牌大學錄取做碩士生，抵獎喇。
葉振南勤做激光護膚保青春。