尋日喺馬場見到利希慎家族後人、馬會大董Michael利子厚，佢親證脫離「鑽石王老五」行列，下月九日同拍拖近三年嘅三十歲外蒙古女友Munkhzul Odkhuu拉埋天窗，翌日即飛土耳其伊斯坦布爾舉行簡單而隆重嘅婚禮。佢盛讚未婚妻係「好好人嘅人，有智慧、好心地」，又讚對方體貼顧家。
Michael話選擇土耳其作婚禮地點，皆因嗰度風景靚兼歷史底蘊豐富，而且係佢同女友嘅拍拖勝地。講到求婚經過，佢大爆一take過搞掂，話說某晚佢同女友撐枱腳時送上婚戒，女方驚喜之餘亦好感動。
利子厚
