政壇：魔童搞電視「芬佬」狂質
尋日有兩單都幾矚目嘅上市公司股東會舉行，其中城電賣電訊業務嘅表決，由於爭議性大，好自然畀小股東質，會上仲有外籍「芬佬」玩「拉布」添！
喺會上據聞有個外籍股東係咁問問題，又話last question，之後又問多十條，最後個會開咗兩個鐘先完。呢個傳說中玩「拉布」嘅股東話好唔滿意管理層根本拎唔出例子，去說服佢做電視呢行點樣賺到錢，佢最後話手上仲有幾百萬股城電，已經揸咗五年，依家會睇價決定沽唔沽。
畀外籍「芬佬」係咁質，就諗住問吓主席王維基點睇啦，但佢完場之後就急急腳走咗。