政壇：田二少搵葉蒨文拉票?

前日見到新民黨副主席田北辰喺銅鑼灣世貿廣場同一位高大靚女傾偈，期間仲引到靚女笑到甜絲絲添，睇真啲原來係天后級歌手Sally葉蒨文。

一個唱歌、一個從商兼從政，似乎大纜都扯唔埋？原來二少同Sally老公阿Lam林子祥好熟，都係拔萃男書院同學仔，中學已經認識，之後佢哋經常約埋一齊打網球，就咁識咗阿Lam老婆Sally囉。老友見面自然傾到雞啄唔斷，二少仲打蛇隨棍上，約Sally打波添！九月立法會選舉臨近，唔知二少會唔會搵Sally幫手拉票呢？

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

田北辰喺銅鑼灣巧遇老友葉蒨文，傾到雞啄唔斷。