SUN世代：抓緊夢想寓創作於抒懷
「呢個係我嘅興趣，亦係我嘅夢想。」讀時裝設計出身的李柏汶，縱然接手家族傢俬生意，但始終沒有放棄時裝。兩年前，他創立自家服裝品牌，繼續實踐自己的夢想。「我哋主要係代理傢俬品牌，比較少接觸到設計呢部分，但自己始終鍾意創作，因為創作可以抒發自己情感，時裝設計正正可以畀到呢樣嘢我。依家八成時間放喺傢俬，兩成時間放喺時裝。」
訪問當日，李柏汶穿着白色西裝，官仔骨骨，原來他特別鍾情西裝。而他的自家設計以男裝為主，並在歐美等地的時裝店舖寄賣。同時兼顧兩邊生意的他，經常要做「太空人」，但心中仍有不少大計，「除咗服裝，未來希望可以設計其他男士產品，例如袋、帽等，仲希望可以喺香港賣。」
為興趣，李柏汶兩年前開始創立自家品牌服裝。（受訪者提供圖片）