政壇:波波唔選立會等做官

立會會計界議員「波波」陳茂波係下屆政府副財政司司長嘅熱門人選,佢尋日首次表明唔會參加九月立法會選舉。如果新架構未能喺七一前通過呢?佢笑言自己會「雙失」,表明虛位以待等做官。至於會計界議席嘅空缺,華人會計師公會會長Nelson林智遠承認正考慮參選。咁無縫嘅交接,話佢唔係波波嘅接班人都冇人信喇!

波波一直對入官場嘅傳聞不作評論,但尋日突然喺立法會表達唔競逐連任,又首度稱讚Nelson喺業界做得相當好,希望佢考慮參選喎。去年底,Nelson嘅「票在你手」選委會名單獲波波力撐,其中佢更以三千幾票第二高票當選。「試票」成功,波波搵人接棒更加不作他人想喇!

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

林智遠