SUN微博： 打橫嚟講：新界構築物，溝粥咁亂

新界土豪非法佔用官地，搭建山莊樂園，明明係「非法僭建物」，又或可說是「違例建築物」，但，香港發展局局長林鄭月娥發出的新聞稿，卻叫那些「僭建物」做「構建設施」，唉！真係有無文化o架？阿蟬！

未講「構建」之前，先睇睇「設施」是甚麼。「設施」者，按《辭源》解釋，是「措置」或「安排」之意，當今講法，係「某項工作需要的設備、系統或工具」，亦有引申為「建築物」，但，「設施」一詞，是十分正面的，絕少用於不法勾當的事宜。

「構建設施」四字，恕我文化程度低，讀書不多，成世仔都係第一次聽聞，好懷疑自己是否活在火星上。

首次聽到「構建」，是收音機的新聞報告，讀稿員唸作「救建」，當時直情唔明係乜，係來睇電視新聞，有埋字幕，才知不是「救」，是「構」。

從小，老師教「構」字，讀「扣」，幾十年都講「機扣」（機構），係近年，無端端出現一批「妖音」，將「時間」（諫音）唸作「時奸」、「刊物」（罕音）叫為「糠物」，「糾正（斗音）變成「九正」，真九唔搭八，音妖所累。

好啦！那批新界佬的「僭建」，明明係「非法」嘅，為何要美化為「構建」；「違例建築物」，又講成正氣的「設施」，真教壞細路！仲有呀！除「構建物」外，也有電台說為「構築物」，將之讀成「夠足物」，一不留神，聽作「溝粥物」，唉！真「溝粥咁亂」也！許曉暉先生，如果你頂硬上到位，就出嚟「狗正狗正」一番呀！拜託。喂！古時無論男女，皆可尊稱「先生」的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：荔枝山莊拆僭「欺人太甚」？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot