政壇：政商定格：包陪麗撐同鄉夫婦雕塑展
著名中國當代雕塑家向京同瞿廣慈兩夫婦，前日喺灣仔藝術中心包氏畫廊舉辦首次聯展《浮世鳥語》，藝術中心名譽主席Cissy包陪麗現身撐兩位好友，仲話同瞿廣慈喺兩年前首次合作舉辦展覽時相識，大家都係上海人，夠晒同聲同氣，仲收藏咗唔少對方嘅作品。
兩夫妻對香港嘅印象各有見解。瞿廣慈坦言香港嘅文化水平仍有改善嘅空間，但佢亦睇好香港可成為文化同藝術嘅傳播平台。向京就覺得香港人做事好勤快，仲大讚香港女性好靚同皮膚好好添！雖然佢嚟過香港好多次，但每次嚟到都好鍾意品嘗地道美食，好彩佢食極唔肥，依然fit到漏。
向京（左）同丈夫瞿廣慈都係包陪麗（右）老友。
向京作品《制服》