理大行政副校長楊偉雄尋日出席活動時，唔評論係咪會出任科技及通訊局局長，仲多次叫大家體諒佢喎！不過被問到會唔會放棄本身嘅美國國籍加入政府，佢就話要睇情況，但不忘提醒大家話，其實由學術界轉入政府唔係乜嘢新鮮事，前教統局局長李國章咪係一個好例子。
之不過，佢喺理大嘅任期至一五年先至完結，但佢話任期呢樣嘢並唔係死線一條，相信會有得傾喎！講到好似為自己開路做局長咁，跟住佢又忽然話對耕種同釀酒都有啲興趣，希望遲啲研究吓點樣可以善用科技大量釀酒添！
楊偉雄唔評論會唔會做局長，但言談間處處為做局長「開路」。
