政壇：林樹哲五福建才俊薦CY

香港福建同鄉會尋日舉行新一屆就職禮，曾當面向候任特首梁振英大力推薦閩籍青年才俊入政府嘅福建社團聯會主席林樹哲都喺度。佢透露，最遲本月底前會向候任特首交出一張五人推薦名單。

林樹哲話依家做緊最後嘅篩選工作，雖然佢心目中已有部分人選，但仲未確定當事人係咪願意打政府工，事關佢哋都有唔錯嘅職業，所以仲要做埋最後嘅游說工作。究竟五個賢才係乜人呢？做副局長抑或政治助理？佢就賣關子，話其中兩位係哈佛畢業嘅。

轉頭佢一見福建籍嘅工聯會理事長吳秋北就豎起拇指，讚佢係福建幫明日之星。唔通佢係人選之一？

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

林樹哲（右）盛讚吳秋北（左）係明日之星。