SUN微博：打橫嚟講：施施縮縮 返嚟就郁

立法會主席曾鈺成曾做過校長，我想像唔到他那德性點做校長，他又怎樣以身作則去訓育英才，尤其是錢銀有關的；亦諗唔到，係乜嘢質素的學生肯聽佢教誨；更想知，受過佢指導的門生，今日成就幾許？係邊個！敢報上名來嗎？

一間學校，為讓學生仔對母校產生歸屬感，會給予他們機會服務同學，遂每班會有個「班長」，甚至細分每行有個「行長」，統籌、協助和處理一班同學的瑣事，報告班主任，由班主任老師面向校長，這是小學雞也明解的學校規矩。

香港立法會的主席，極其量，只是個「班長」（各小組委員會主席是「行長」），他應協調與會同事意見，尤其是民選的、較弱勢的，或問題未細說清楚的，都要給予支持，而非濫權，鬼祟「返嚟就郁」去打壓為民請命的同僚，兼且，講咗唔認，肆無忌憚，扮失憶；事後，見律政司和政府無異議時，又喜不自勝地記得番起咁低莊下流。

真好笑，大家可有見過一間學校的「班長」嘅裁決，可以影響學校日後的政策o架呢？

咁劣質嘅立法會主席，居然有評論員曾讚佢有膽識、有骨氣、夠中立，敢頂住阿爺的施壓，畀不同聲音發言，是土共中唯一的開明老左喎！吖！又跪低了！如讓他出選特首報捷，點算？我哋應否多謝振英哥奪命追魂Call「勸退佢」呢？否則仲大鑊！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係咁爆」網址：tv.on.cc/hot