SUN微博：Sun畸事：賴星星獄中惡鬥煲呔曾

煲呔曾貪盡海陸空之後潛逃英國，中國政府力爭引渡回港受審，十二年後終告成功，煲呔曾鎯鐺入獄，獄中巧遇走私大賊賴星星，兩人性格愛鬥大，剪燭鐵窗話貪年。

煲呔曾：想當年，我歎盡省港澳，連江湖人物都畀面我，如今俱往矣！

賴星星：你算老幾，連國務院也高度關注我，要我死三次，這叫大貪，你是小貪！

煲呔曾：唔好咁講，大家瓣數唔同啫。

賴星星：你說得對，我幹大茶飯，你專貪文具、菜心肥雞。

煲呔曾：我仲貪咗成座深圳禮賓府o架！

賴星星：這算甚麼，紅樓我建多少有多少！

煲呔曾：我借公帑環遊世界，住總統套房！

賴星星：你喜歡希臘嗎？我可以把它買起來！

煲呔曾：大家貪道中人，畀番幾分薄面好喎。貪業無分貴賤，中四中文都有教啦。

賴星星：我沒有上過中學。

煲呔曾：點解我貪咁少都一樣判終身，嗚嗚……

賴星星：老弟，你有帶菜心肥雞在身嗎？我肚子餓了。

（花生友如有對號入座，請食自己）