政壇：政商定格：超雲落廚煮餸氹媽咪
尋日喺一個公開場合見到賭王千金何超雲，佢透露近期少咗外出，多數留喺屋企上網，問到係咪有意搞網上生意？佢話：「諗緊，未決定。」係咪同男朋友陳山聰夾份做生意？佢話：「應該唔會，但佢有畀意見。」超雲又透露母親節時，爹哋有返屋企同媽咪切蛋糕，佢亦有落廚炒菜畀媽咪品嘗。
佢仲話同山聰感情穩定，更大晒恩愛指經常收到男友嘅禮物，由於佢比較小朋友，所以男友經常送公仔同文具畀佢。提到近期嘅男藝人裸照風波，問佢山聰可曾拍裸照？佢話冇留意報道，會打電話問男友有冇拍過，但相信佢冇拍。
