政壇：搞搞政：許曉暉歌藝直逼技安
繼食物及衞生局局長周一鑊早前一曲《忘不了你》，畀網民揶揄係官場「技安」後，民政事務局副局長Florence許曉暉前日出席一個籌款活動時，同歌星黎明、大會嘅董事黃永光高歌《獅子山下》，網民亦唔多受落，話佢唱得有啲奇怪喎！
Florence話揀《獅子山下》係因為呢首歌代表本土文化，象徵香港精神喎，開口埋口都提到文化。網民見到呢位熱門文化局局長高歌都紛紛感到錯愕，話聽佢唱每句最後兩個音總係有說不出嘅奇怪，唔知同佢唱開粵曲有冇關係呢？不過，唱得唔好聽唔緊要，最重要都係籌到錢，當然過程可以自我滿足就最好啦！
