政壇：陳智思唔起醫院做公職
一度盛傳係行政會議召集人大熱人選嘅可持續發展委員會主席Bernard陳智思，由於佢嘅家族諗住投地起私家醫院，好多政界中人都認為喺避嫌原則下，佢只能二揀一。點知佢尋日突然話睇完私院份標書後，發覺挑戰性太大，仲話好大機會唔入標喎！
唔通佢取行會而捨私院？點知佢話候任特首CY梁振英從來冇搵過佢傾入行會，亦冇梁營人士接觸過佢，只係CY喺當選前曾問過佢有冇興趣做公職。佢同我哋講，幾時都有興趣做公職，就算投唔投地起醫院，呢個心都唔會變。
另外，保安局局長李少光尋日被問到係咪做政務司副司長嗰陣，佢話已做咗政府工三十幾年，考慮到自己年紀，現時有需要休息，再被追問係咪唔做副司長時，佢即時又大賣關子冇答到。
陳智思