SUN熱辣:黃德森山度士母校運動健將搖籃

赤柱聖德蘭幼稚園歷史悠久,培育過不少「名人校友」,加上臨近海邊,特別盛產傑出運動員,可謂「運動健將搖籃」。當中包括兩度奪得亞運滑浪風帆亞軍兼前港隊滑浪風帆教練黃德森、「香港足球先生」山度士,以及有「風帆夫妻」之稱的何智豪及太太陳慧琪等。

「風帆夫妻」同年畢業

上世紀七十年代在聖德蘭幼稚園畢業的山度士憶述,「我自細喺赤柱長大,當時人人都叫嗰度做村仔,到我依家經過赤柱時,都會同朋友講自己喺呢間咁歷史悠久同出名嘅幼稚園讀過」。對於聖德蘭幼稚園一直違反地契經營,山度士甚感驚訝,「學校經營咗幾十年先被揭發違規?真係好無稽!」他期望當局批准歷史悠久的母校可原址繼續經營,令現時正就讀該校的學生不受影響。

同樣於七十年代在該校畢業的黃德森坦言,赤柱當年是漁港,約半數人口為漁民,一半是原居民,不少家庭生活簡單、家境清貧,多數小孩留在原區就近入學,他希望該幼稚園能獲批繼續在原址辦學。

至於「風帆夫妻」何智豪和陳慧琪,兩人同於八七年在聖德蘭幼稚園畢業。何智豪坦言,該校對他的運動生涯和感情發展別具意義,「自細喺漁民家庭長大,當年我幼稚園返下午校,上午就去附近海灘游泳,繼而開始接觸滑浪風帆」,後來他學滑浪風帆時認識太太,偶然下發現原來他倆早於幼稚園已同年同校畢業。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報