朋輩影響追求刺激感
【本報訊】「小朋友去偷嘢,最大原因係屋企家境唔富裕,滿足唔到佢哋想買玩具嘅欲望,或者受到朋輩影響,有樣學樣。」浸會大學社會工作系副教授趙雨龍稱,除受朋輩壓力影響,小朋友亦有可能為追求刺激感或成功感而去盜竊。
趙雨龍估計,小孩重複到同一店舖盜竊,是存有僥倖心理:「佢哋曾喺嗰度成功過,以為自己對環境好熟習,於是就食過翻尋味,不斷去同一店舖犯案。」
註冊臨床心理學家鄒凱詩認為,家長應從小向子女灌輸正確價值觀,及講解何謂守法精神,「就算子女真係犯錯,都應該作補救行為,例如叫佢哋賠番錢畀人,或者向店主道歉,等子女知道做錯事嘅後果。」
小學雞盜竊黨手法
1. 小學雞湧入店內,部分身穿校服。
2. 各人扮演不同角色,有人扮顧客付錢購買,有人伺機偷竊遊戲卡。
3. 店主點貨時揭發,認得小學雞校服,報警求助。
4. 警方將四名介乎六至九歲的懷疑涉案男童帶署調查。