SUN微博：Sun畸事：都是拉布的錯

垃圾會主席夾硬嚟叫停咗拉布之後，兩派陣營互罵不止，幾乎要動粗解決。幸一眾建制議員知道自己好耐無食嘢又唔夠瞓，驚好似牛健怡咁「幾乎」中風，忍一時之氣，方未致出事。儘管如此，議事堂內叫囂之聲仍然不斷……

鄭加褲：你哋呢班功能組別，咁耐以嚟嘢都唔講句，剩係識舉手做橡皮圖章！

謝偉哥：唔關我哋事，係拉布嘅錯！

大隻陳：你哋早有預謀傳紙仔，剪布係政治決定！

黃疑雲：我係最誠實嘅人，無講大話，係拉布嘅錯！

涼國紅：政府強推惡法，剝奪市民選舉權，我哋要揭竿而起！

譚至圓：替補機制推出至今未見民意反彈，係拉布嘅錯！

狂貓黃：你哋出錢請劣質金毛無知阿叔嚟示威，恬不知恥！

譚妖種：我哋政黨好很窮，無錢請人，係拉布嘅錯！

主席曾六成開咪大叫：「一陣先郁啦！」卻無人理會。正無計可施，一向不屑加入拉布的大狀傑和鐵頭仁衝入高呼：「主席，規程！」「議員發言不停重複，要求裁決！」曾六成心知以自己無限大的權力，確能以此平息紛爭，卻不想驅盟友離場，躊躇難決。