生日收菊花公子黑面

【本報訊】劉定成涉嫌非禮及刑事恐嚇男藝人案轟動全城，令劉公子成為傳媒追訪焦點，個別傳媒為求博取劉公子「垂青」以取得獨家猛料，不惜施展「出位」招數。

昨日是劉公子西曆生日，他穿深色閃料長褲及西裝褸到庭應訊。各傳媒多派出男記者貼身追訪，甫見劉即連聲祝賀，期間劉公子透露，前晚一名周刊女記者夜訪其跑馬地寓所，親手送上大束鮮花：「係咩花都無咩留意，一拆開搞到成地都係水，好似『水彈』咁！」劉又戲言：「束花好似人哋登台收啲花咁大，好似要鞠躬接咁！」

罰記者遭行家掌嘴

有男記者笑問劉是否收到菊花時，劉即時「黑面」，斥責對方「留番拜山先送啦！我今日生日，真係大吉利是！」劉並着身旁大堆男記者替他向該男記者「掌嘴」。

另有一名報館男記者則在昨早專誠守候在法院大樓外，甫見劉現身即遞上一封私人信件，信封面寫上「給劉先生的信」。劉被問到此事時有點不屑：「我收到恐嚇信！」、「唔好製造啲老土嘢啦！」並向記者展示信件。劉笑謂，「我咁收法，會唔會被人告收受利益o架？又要我返嚟依度（法庭）！」

此案令劉公子成為街知巷聞的人，但也帶給他困擾。他昨早甫到庭便向記者訴說，剛被的士司機「寸爆」，對方笑問他「係咪着緊第五十條T-back？」劉笑言：「佢（司機）係咪冇腦o架！唔通兩日都着同一條T-back咩？尋日已着咗一條，我應該係着緊第五十一條。」