SUN微博：打橫嚟講：拉布醜態，恬不知恥

政客從來無公義，也不講道德，只有失憶和利益計算。

身為立法會主席的曾鈺成為咗了斷「拉布戰」，不惜犯險違反議事規則、剝奪議員審議權，中止議員發言，並行使主席無限大的權力，跳過議會程序，突然宣判毋須再辯論修訂細則，而速速表決。這極差劣的壞先例，將立法會個招牌，狠狠砸碎。

不要說議員表達意見的權利冇咗，就是香港最引以為傲的法治、公正，也守不住了；立法會的公信力，蕩然無存！

因這次拉布戰，讓中國人民看到香港議員的醜態，愈來愈一家親了，又令阿爺更加要強政「厲治」，適度有為的管治管治！我們香港人將來係點，真要多謝曾鈺成同埋佢班黨友同志！

呢群建制派真神級騎呢，議事廳內公然大覺瞓、睇韓劇、追小說，做些與議會無關之事，乜都得！那字醜人賤的中佬還敢理直氣壯話議會規條無列明唔准寫大字喎！咁佢就可以當眾放屁啦！因條例亦無註明呀！真教壞細路，如果啲學生上課時捽腳趾，閉目養神又怎辦呢？廳外更差勁，建制派請來的「支持者」水準之低，叫人拜服，四隻字：丟人眼前！

曾鈺成忘記了九九年因老董殺市政和區域兩局，佢帶頭的民建聯咪打拉布戰！今日的我，打倒昨日的我，是恬不知恥政客所為也！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：通宵拉布有咩好做？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot