SUN微博：Sun畸事：金毛紋身的人有福了
金毛男：喂兄弟，有好路數益你！
紋身男：啱啦啱啦，我呢排好唔掂呀。
金毛男：有份筍工，日薪三百，毋須經驗，而且好適合我哋添！
紋身男：咩工咁正？
金毛男：反拉布臨記！
紋身男：反拉布？咩嚟o架？
金毛男：其實我都唔係好知……不過個招聘廣告註明染金毛、有紋身者優先！
紋身男：咁份工做咩o架？
金毛男：我都唔係好清楚……好似係叫囂兇人之類，即係我哋平時做嘅嘢囉！
紋身男：但喺邊度返工o架？我哋蒲開天水圍，喺人哋主場度叫囂好危險喎。
金毛男：唔使怕，佢哋會準備幾架旅遊巴，預計有百幾人，到時就變我哋主場啦！
紋身男：今晚餐飯終於有着落，唔使絕食咯……嗚嗚
金毛男：我哋到時表現得激啲，可能仲有人工加添，呵呵……
（花生友如有對號入座，請食自己）