SUN世代：代理女性衞生品唔怕尷尬
六年品牌代理公司的工作經驗，令林明星有機會接觸到不同類型的產品，當中更包括他永遠用不着的，「轉工後我第一件工作，就係負責一個女性衞生用品品牌，幫佢哋做市場研究、新產品開發等等。」
由於從無使用經驗，更無法親身感受，他惟有向女同事請教，更找來顧客分享感受，卻遇到不少尷尬事，「其中一位女士提到經痛，講得好激動，仲拍晒枱問我：『講咁耐你都唔會知係點㗎啦！』之後有次落零售點做store check，又試過有舖頭經理叫我企去角落睇，唔係啲女顧客唔敢行埋嚟！」
雖然遇到不少阻滯，但林明星最終仍能完成任務，增加產品銷量，兩年後更帶領品牌佔據市場佔有率首位。新挑戰，果然能激發人的潛能。
林明星（箭嘴示）成為本年度獅子山青年商會會長。