政壇：搞搞政：肥根唔嫁又嫁玩殘後輩
多個立法會功能界別嘅議員長期盤據議席，莫講話令後生仔無機會「上位」，更加令成個議會嘅平均年紀「有增無減」，最新例子係現年六十歲嘅漁農界議員「肥根」黃容根。
漁農界過去一直由業界協調代表自動當選。有知情人士透露，肥根喺○八年連任後有意搵人接棒，據聞呢位疑似接班人喺現年三十一歲嘅何俊賢，肥根近年都好畀心機栽培佢，除咗畀佢跟出跟入學嘢同識吓業界啲人，又喺選委會選舉預留席位畀佢自動當選為漁農界選委。
原本一切安排都好哋哋，點知肥根最近疑似改變主意想再度競逐連任。有知情人士形容，肥根此舉變相令到何俊賢「條條揈」，亦都唔知佢葫蘆入面賣乜藥，我哋試過打畀佢想了解吓件事，但最後未獲回覆。
設計圖片及對白