阿保一族：向浪費Say No

【記者陳名仲報道】「唔食喇，我飽喇！」不少父母聽到這句話都會怕怕。餸菜還有很多，小朋友的碗裏卻還有半滿的飯，偏食和浪費食物的壞習慣恍似無可避免。不過，一班小學生、老師和校長，聯同綠領行動一起說不！校方更有三大法寶，令小朋友更易養成不偏食，不浪費的習慣，難怪坪石天主教小學的小六生能輕易在綠領行動舉辦的「有衣食學生」計劃中脫穎而出，獲得嘉許。

站在頒獎台上，三位可愛的小六女生接過獎狀，並開始向在場人士講述自己如何成為「有衣食」學生。

「高年班學生（小五、小六學生）今年開始實行中央派飯，我哋可以同姨姨講食幾多，唔會嘥。」何同學表示，每天於學校的午飯都有特定的「餸」，而且多菜少肉，加上度身訂造的飯量，一盆盆健康學生餐就此誕生。「飯餸分好之後，就算啲餸唔鍾意食都唔可以偏食，要食晒佢。」

中央派飯試行後，學生反應良好，不過老師仍要面對小小的難題。「為咗佢哋喺午飯時間食得晒啲飯餸，我哋希望同學小息嗰陣盡量食少啲零食。」陳校長表示，原來學生以前會於小息時進食過多零食，令致午飯時間太飽而沒胃口。

第二節小息禁吃零食

有見及此，陳校長決定推出新校規，規定學生只可於第一個小息（九時五十分）食小食，第二個小息（十一時二十分）只可和同學聊天或如廁。

「實施新校規之後真係少咗學生食唔晒(飯餸)，而且仲食快咗。」陳校長指，學生進步明顯除有賴新校規，亦歸功於學校與家長的通力合作。「家教會經常舉辦活動，例如請廚師嚟學校，同家長交流吓煮嘢嘅心得。」陳校長指，要令學生在校外都不偏食、不浪費，家長才是關鍵，所以家長也要成為「有衣食家長」，如煮晚飯時千萬不要怕小朋友不夠飽而煮過多飯餸，致浪費食物，也不要因小朋友「扭計」想吃零食而放任他們，導致他們於晚飯時太飽不想進食。「小朋友的飲食習慣要由細培養，只要養成好習慣，就唔會偏食同浪費。」