SUN微博：SUN畸事：I wish I never entered

臨別秋波，寶baby在垃圾會內玩弄其智能手機，看到關於自己的新聞時，不禁驚叫出來，而譚至圓剛剛從他身旁走過......

寶 baby ：Waste of time！忽......

譚至圓：寶哥哥你咪咁激動！英文粗口好多人聽得明o架。

寶 baby ：NONONO，我只係想講，忽然間啲人咁重視我以後不露鳥，搞到曝光率仲高過黃定光，Ｉ'm not used to it，咁重視係浪費時間，you know？

譚至圓：哦，我完全明白。就好似司局長人工跟隨通脹僅加8.1％，中電都唔止啦，我哋都要交電費o架！大家真係太緊張。

寶 baby ：係囉係囉......不過，未請教你係......

譚至圓：吓？我係林公公後人都唔識？

寶 baby ：哦！I'm terribly sorry，不過我哋都係one dog face啦！

譚至圓：吓？

寶 baby ：即係大家都做到好似狗咁樣，連一齊開會都無時間認識。

譚至圓：係呀係呀，唔好話你，九成市民都唔識我啦！

寶 baby ：Bro, you are damn right！不過我都係奉勸你一句，唔好踩入政圈，我同我兩個仔都係咁講。

譚至圓：唉，想留喺政圈又點，我又唔打得，這些機會不屬於我。或者離開，學星爺話齋，另一角度都係服務市民啫。

此時，寶baby正想回應，手機突然傳來震天的呻吟聲！原來寶baby的手指誤觸網站紀錄，開出了thatav.com，引來全場議員官員記者的目光。寶baby心灰意冷地說：I wish I never entered。