政壇：政商定格：蘇頌輝棄銀行高職教禮儀

轉行係一個唔容易嘅決定，畢業於美國名校普林斯頓大學、喺花旗銀行做過Private Banker嘅蘇頌輝（Desmond）就好決絕，唔做銀行高職，投身做禮儀先生，開班教人社交禮儀。問佢政圈邊個最有禮？佢毫不猶豫話：「林鄭月娥！」仲大讚林鄭自信、淡定、說話言之有物，好有大將風範喎。

Desmond話，無論係傾生意、面試、約會異性等，統統講究禮儀。佢直言唔少人見工時愛着黑西裝，以為夠穩陣，其實係着錯衫；佢又睇唔慣內地豪客喺高級餐廳「徒手」揸住牛扒大吃大喝，實在太失禮。佢於是帶頭推廣禮儀，開班由餐桌禮儀、談吐技巧等講起，獲幾間大專院校邀請開班授課，亦擔任大企業培訓導師，近年仲擔任電視台節目主持添。

點解Desmond會成為禮儀人辦？佢媽咪係信和前商場推廣總經理蘇蔡潔蓮，幼承庭訓所致啩！