店員自掏腰包打發刀賊

「見佢後生，唔想毀咗大好前途……」好心老店員出錢出力勸退賊仔。黃大仙一間便利店昨凌晨被獨行賊打劫，年逾六旬男店員看見賊仔既年輕又騰雞，遂膽博膽將他拋窒，乘機曉以大義教訓一頓：「你咁後生，唔去搵嘢做？」最終老店員自掏百元將他「打發」離開，事後警方取走閉路電視錄影追緝劫匪。

勸退刀賊的店員姓鄭（六十四歲），人稱佳叔，年輕時曾學習功夫，育有三名兒子。佳叔原本在製衣廠工作，十年前因工廠轉型，他亦順勢轉職，到黃大仙東頭邨旺東樓地下便利店當通宵店員。十年來一直相安無事，估不到昨日「開齋」首次遇劫。

劫匪仲驚過我

昨凌晨三時許，佳叔與一名中年女同事當值，她進入貨倉處理貨物，他則獨自蹲在冷藏飲品櫃前地下整理報紙。突然，一名年約二十四至二十五歲、一點七米高青年闖入，手持一把生果刀指向佳叔聲稱打劫。佳叔稱，「佢一入到嚟，即刻用刀指住我，話要攞五百蚊」，由於首次遇劫，當時確實「心慌慌」，但發現劫匪十分年輕，且神情「仲驚過自己」，立刻鎮定下來。

佳叔表示，「我即刻話你有刀，我都有刀，五百冇咁多，你咁後生，唔去搵嘢做？」跟住反問對方：「咁你想攞幾多？」刀賊即改口：「攞二百。」佳叔放膽還價：「冇二百，攞一百啦。」然後從褲袋掏出一百元掟給賊人，賊人奪過鈔票後逃走，打劫全程約兩分鐘，佳叔致電報警。

兩名探員到場調查，佳叔向其重演遇劫經過，並指劫賊生面口，第一次到便利店，打劫前沒有購物。店內裝有閉路電視，相信已拍下劫賊容貌及犯案過程，探員取走錄影助查。佳叔事後繼續開工，聲稱「見佢後生，唔想毀咗大好前途，咪膽粗粗勸佢囉」。