市民狂追助擒iPhone賊
【本報訊】好市民窮追二百米擒手機賊。前晚，一名女子在觀塘街頭遭獨行賊強搶iPhone 4手機，兩名好市民合力追捕，雙方沿斜路及梯級追逐二百米，終擒獲賊人。
前晚十時許，姓馬女子（二十九歲）沿通明街步行返家，並沿途與友人傾電話，突有一名男子走近，強搶她的手機逃去，馬女大嗌「搶嘢」。姓何拖車司機（五十三歲）及姓吳車房東主（四十三歲）聞聲合力追賊。賊人沿斜路逃跑，左轉入功樂道，再走落通往恒安街長梯級，何在梯級不慎跌倒，但仍奮勇爬起身再追，賊人亦疑「無氣」仆倒。何及吳追捕約二百米，終將賊人制服，警員亦趕抵將疑人拘捕。被捕男子姓羅（二十歲），他身體多處擦傷，何亦撞傷肩、眼角及左額，兩人同送院治理。
英勇捉賊受傷拖車司機送院。