SUN微博：膠片直播

對抗惡法嘅拉布戰已經開始咗幾日，建制派議員當然怒火填胸，燒到啪啪聲；至於泛民嘅議員們，明撐者有之，保持距離者亦有之。綜觀一眾代議士嘅意向之後，Sun微博特登選出咗最激動又最抵死嘅兩位議員，同大家一齊分享佢哋嘅樂與怒。

核爆的王國興

工聯會嘅王國興對拉布睇唔過眼就人人都知，咁到底佢有幾火呢?原來除咗用國粹毛筆字嚟表達不滿之外，佢仲會用西方嘅街頭音樂文化–rap嚟射出佢嘅……怒火。見佢不停咁rap住「日以繼夜，夜以繼日，再日以繼夜」，配合嬲到核爆嘅表情……sorry，我笑咗。

http://www.youtube.com/watch?v=dsA-X0XsmCA

鄭家富交出真心

難得今次泛民可以爭番啖氣，玩番班功能組別轉頭，鄭家富就乘機強力恥笑一班建制派議員，話開會係議員職責，建制派要護航就唔該乖乖哋坐低。最好笑嘅係，佢插對家之餘都不忘抽一抽陳偉業水，話佢個樣似劫機嘅恐怖分子喎。咁吹得，有你幫手拉布，簡直係如虎添翼啦。

http://www.youtube.com/watch?v=R4MNK7vwOmQ