新一屆政府嘅司局長班子基本完成，物色副局長同政治助理將會係下一步工作，民政事務局政治助理Caspar徐英偉喺一眾政助中表現較有口碑，又願意同不同持份者打交道，坊間都預料只要佢願意，應該「有得留低」。Caspar早前被問及去留時冇正面回應，僅稱會繼續做好手頭上嘅工作喎！
去留依家仲係未知之數，上月中佢就同太太到日本沖繩玩咗幾日充電，適逢當日正值北韓發射衞星前夕，兩公婆事前都望天打卦，密切注意情況，好在最後個衞星喺佢哋出發前已發射，佢哋先可以無後顧之憂去玩。
Caspar被沖繩嘅天然風景所吸引。（被訪者提供）
