政壇:政商定格:施祖祥難忘喇沙飛機聲

喇沙書院今年八十歲,前晚大搞校慶兼籌款,筵開百二圍,唔少名人校友到賀兼出錢出力,前高官施祖祥更一早寫定支票捐畀母校添!施祖祥係六四年畢業生。佢憶述那些年嘅趣事,話當年啟德機場仍在,校園上空常有飛機飛過,同學們好百厭,大叫同飛機鬥大聲,搞到老師冇晒符。

律師會前會長黃嘉純喺喇沙小學直升中學,對母校感情深厚,依家做埋籌款委員會主席,目標籌二千萬元,推動電子校園計劃。

電視藝員曾華倩囝囝Martin剛升中一,已經高過媽咪,華倩話囝囝最愛游水,仲拎過唔少獎添!

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

施祖祥(左)同已退休嘅岑老師合照。

曾華倩(右)囝囝Martin讀中一,強項係游水。