政壇：林健鋒fb撬走葉劉黨員
為咗參加下屆區議會選舉，豪華飲食集團太子爺Jeffrey陳嘉華放低酒樓工作，加入經濟動力兼夾密密落區。佢透露之所以加入經濟動力，全靠交友網站facebook呢個「紅娘」。話說組織核心人物林健鋒早前喺facebook睇到當時仲係新民黨嘅Jeffrey留言，得悉佢想退黨同葉劉拜拜，於是乘機向佢招手。
Jeffrey坦言自加入經濟動力後，發展空間多咗，仲初嘗街頭「嗌咪」嘅滋味。佢話組織都好重視佢，畀佢做新界東支部副主席，負責擴充新東版圖，依家支部已有至少八名樁腳，佢希望繼續用互聯網嘅影響力，廣納賢能，近日佢就成功游說到離島東涌北區議員林悅加入。
陳嘉華（中）日前已成功游說林悅（右）加入經濟動力。左為黃大仙區議員陳偉坤。