孖B變死胎屯院人工流產等四周

【記者曾愷欣報道】「我只不過想做番個正常女人！」結婚四年的招太與丈夫婚後努力「造人」，上月終傳來喜訊懷了「龍孖B」，無奈卻是「空胚胎」，經私家醫生轉介到屯門醫院跟進。但由四月十二日首次求診，竟被安排五月底轉到博愛醫院做人工流產手術。招太不堪承受腹中長時間懷着死胎的壓力，自行往私家醫院流產，希望盡快收拾心情，讓生活重回正軌。剛被投訴誤診孕婦胎兒為死胎，趕着兩日內為孕婦「落仔」的屯門醫院，卻指安排招太的手術無延誤，處理合乎臨床標準及轉介程序。

三十一歲的招太憶述︰「當時知道有BB，真係好開心，仲打算辭職專心照顧BB，點知之後發生嘅事係噩夢一場！」她四月五日經私家婦產科醫生檢查後確定懷孕八周，但醫生暗示胎兒有問題，安排同月十一日覆檢，證實為空胚胎。醫生指可安排招太在私院人工流產，或轉介屯院。招太翌日到屯院急症室，獲安排入院檢查。

當日由一名高級婦產科女醫生「傍住」受訓男醫生為招太照超聲波，「一邊教，一邊檢查，做咗成個鐘頭，話睇唔到有胎兒，機會幾渺茫，但話可再等多一星期睇吓」。招太希望有奇迹，遂接受再覆診確定是否放棄胎兒，但覆診日期是兩周後的四月二十七日。期間她受不了壓力，曾到屯院急症室要求跟進，獲回覆「下體無出血即沒事」，惟有等到二十七日覆診，終證實是空胚胎。

自行到私院流產

屯院醫生提供兩方案，一是服藥流產，二是手術。招太有感懷的是「孖胎」，手術處理效果比藥物徹底，決定人工流產。豈料，醫生安排十二日後，即五月九日轉介她到博愛醫院見醫生，再於五月底做手術。等了又等，招太感到「體內好像有個計時炸彈，家人又不停問我幾時做手術。終於頂唔順，自己四月尾去咗私院做手術，點解屯院要等咁耐？」

屯院回應，婦科日間手術集中在博愛醫院處理，以善用資源，一般確診後四周內進行手術。病人在四月二十七日確診未能成功懷孕，與安排五月底前做手術，相隔三至四周，合乎臨床標準及轉介程序，否認處理延誤。院方承認事件對病人造成心理壓力，正跟進其投訴。

爆料編號︰ireport_00029934