SUN微博：膠片直播：主席唔係垃圾係乜嘢？

連主席都鬧？日前立會拉布戰，王國興練極書法都唔能平息怒火，席中爆咗句「主席唔係垃圾係乜嘢」？王國興一句，全場靜晒！原來佢想話「主席，（修訂）唔係垃圾係乜嘢」？漏了一個停頓位，意思唔同晒，網民笑到腎呀腸呀都跌晒出嚟。仲未笑完呀，聽埋佢挺胸搖頭吟「詩」（好似係）：「拖拖拖！修訂何其多！浪費時間了。公帑浪費多！」

有花生友O嘴：「吓？咁都算詩？」其實，王國興早前都有首「斥」鄭汝樺嘅「詩」，「斥斥斥……」都係同一格式添。唐代才子駱賓王首詠鵝詩云：「鵝鵝鵝，曲項向天歌。白毛浮綠水，紅掌撥清波。」

咦！王國興咪即係二次創作？不過，駱賓王係七歲（！）作嘅，而末兩句「仄平平仄仄，平仄仄平平」，更係對仗工整，而王國興首口號「詩」真係……條短片得二十多秒都咁多笑位，真係含膠量好高呀！

www.youtube.com/watch?v=MhQHJ-0vYnk&feature=g-news