政壇：區詠梅情迷大澳文物酒店
開業兩個幾月嘅大澳文物酒店，booking爆到極，名媛區詠梅（Margery）兩個月前訂房，日前成功同外國朋友入住，感覺如置身「東方威尼斯」，度過難忘嘅兩日一夜。
Margery同大女羅舜然、孫仔Alastair同五位好友拉隊入住。佢大讚呢幢由大澳警署活化而成嘅酒店懷舊味十足，當中保留兩個舊式監房更係必到景點，佢同孫仔爭住影相。一場嚟到大澳，當然把握機會逛市集，當地鹹魚、蝦醬、蠔豉好馳名，Margery趁機掃貨，準備母親節當日煮花膠同鮑魚，氹九十八歲嘅媽咪開心。Shopping完畢就歎吓大澳風味海鮮，食到大家舔舔脷，美中不足嘅係交通唔方便。
區詠梅（左三）同孫仔Alastair（左一）、大女舜然（左二）及好友齊入住大澳文物酒店。（被訪者提供）