政壇：青年峰會不討論民主
青年高峰會將喺十一月二十四日喺柴灣青年廣場舉行，主辦機構之一嘅青年事務委員會為增加高峰會透明度，今年會畀青年人通過互聯網，由十個議題投票選出四項討論議題，但齋睇議題都已感受到呢個高峰會嘅和諧性。
委員會話呢十個可供選擇嘅議題全部都係由青年人提供，但唔知點解，關於本港民主發展嘅議題一個都冇，反而就有個有關貿易秩序嘅議題。唔通青年人會建議關注貿易發展，都醒唔起要討論本港民主發展？
另外，喺參與會議嘅六百人入面，雖已預留約一百個名額畀青年人喺網上公開報名，但裏面有三分之二即係四百位，將會係來自十八區青年活動委員會嘅「網絡」。話就話到時會邀請特首同局長出席，但高峰會咁和諧，唔知到時啲官員又會唔會聽到青年人真正嘅聲音呢？