SUN微博：打橫嚟講：林公公人之將死，其言也假

如果香港不是禁燒炮仗，肯定今日全港炮聲轟轟，一片滿地紅的歡樂景象。

現今香港政府宦官當道、廢柴無能、官商勾結、朝政腐敗，搞到民不聊生、民怨載道，十足十東漢末年的黑暗時代；家陣，有件契弟中契弟，因權力爭鬥敗陣，棄甲挾尾而逃，怎教人不敲鑼打鼓，燒炮仗送瘟神，慶祝半日呢？

粉皮林瑞麟公公，仲卑賤過無卵用的太監，常在廟堂會議廳內指鹿為馬、反口覆舌，厚顏無恥到人渣不如，咁嘅賤精，人皆得以誅之。點知，仲有件衰過佢嘅死鏟煲呔，竟提升佢做政府第二把手，咁嘅神物做高層領導，呢度唔死就有鬼矣！其次，最大鑊就係做了一個很壞的示範，其他無能官吏照學佢嗰套來做嘢，博上位，都未算仆街，而係此德行作為成功例子，便更遺禍社會，教壞下一代。

本以為人之將死，其言也善，怎知，此粉皮仍死性不改賤到無倫，口是心非，話自己早有辭官之心，真放屁！佢仲話梁振英當選前已報請中央，實情就係扮狗放風想留低，否則，點解唔趁早死Q開，讓位給好打得的林鄭吖？現被振英擯棄既成定局，才跌落地揦拃沙，找下台階。此等反覆小人，去讀神學？咪玷污人哋神聖地方啦！唔該！

特此寄語港人，勿以為走了一件廢柴賤精蠢才，你哋就有好日子過，請打醒十二分精神，留意小人太監呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：陳光誠月黑高飛

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot