日前喺一個婚禮上,遇到觀瀾湖集團副主席Tenniel朱鼎耀同太太Carmen帶埋四歲囝囝Ethan一同湊熱鬧。Tenniel透露近來公務繁忙,經常要北上傾生意,連陪家人嘅時間都少咗,好在Carmen夠體貼,不時趁周末帶埋仔女北上共敍天倫,兼畀囝囝打吓高球。
Tenniel笑謂,囝囝歲幾已經好有運動細胞,人仔細細拎住支兒童球桿,打得有板有眼,仲好鍾意喺綠油油嘅草地上奔跑添!不過佢話冇時間教囝囝打波,所以請咗教練,唔知係咪想訓練Ethan成為高球界新星呢?
朱鼎耀(右)同太太Carmen(左)話囝囝Ethan好鍾意打高球。